有人話，稱讚一個女人有秀氣，潛台詞代表佢個樣生得未夠靚，但其實每個人嘅審美標準都唔同，容貌清秀都係一種美，淨係睇吓韓國人氣模特兒朴有英，就會明白「秀氣」二字嘅神髓。
喺韓國首爾出生嘅有英，身高172cm，相當高挑，34-24-34嘅三圍數字亦甚具睇頭。除咗外表高質外，阿妹嘅學歷亦相當高，皆因佢係首爾祥明大學環境工程學系嘅畢業生，非常叻女。值得一提，佢本來想喺專業上大展拳腳，但因緣際會參加咗一次模特兒面試，並順利入圍，自此開始從事攝影模特兒、車模同賽車女郎，人氣亦愈嚟愈勁，仲做埋手遊、電子產品、化妝品嘅代言人呢！