李有美靚得有內涵

喺模特兒界，靚女比比皆是，能夠脫穎而出，當然有其過人之處，好似韓國人氣模特兒李有美，就被人冠以女神外號。出生於韓國首爾嘅佢，雖然身高只得169公分，作為模特兒係就係矮咗少少，但勝在人靚身材正，外形上絕對唔輸蝕。初出道時，有美主要擔任攝影模特兒，並憑住迷人嘅樣貌贏得大眾嘅注意，由於阿妹嘅人氣超勁，好快被邀請以車模身份，出席喺釜山同首爾舉行嘅國際車展，自此之後，佢嘅人氣愈嚟愈勁。