身高176公分，三圍係34-25-36，兩組數字都咁靚，唔做模特兒真係嘥晒！講緊嘅係出生於韓國首爾嘅李孝英，唔止身材出眾，個樣亦生得好養眼，能夠成為人氣模特兒，一啲都唔令人意外。另外，呢位索女仲係美貌與智慧並重，擁有明知專科大學兒童與青少年福利系學士學位，絕對係靚得有內涵。既然阿妹咁讀得書，點解會從事模特兒工作呢？原來佢當年為咗擴闊眼界，打算嚟一趟背包旅行，為咗籌集旅費，於是走咗去做模特兒，點知愈做愈有興趣，結果旅行去唔成，反而變咗人氣模特兒，拍攝硬照之餘，仲做埋車模同展場女郎添，更令佢嘅人氣一直高企。