日本寫真DVD主要都係影住青春活潑又好身材嘅寫真妹，又跑又跳又搖乳，發放青春魅力。但係如此波來波往嘅場面難免會令觀眾睇到厭，好彩仲有朝比奈祐未帶畀大家新鮮感。除咗標致又帶點妖艷嘅美貌，仲肌膚白滑身材豐滿，近期經過努力收身，充滿健美感！祐未一向都不甘平凡，鍾意喺寫真DVD中加入劇情鋪排，令大家睇得更加投入，上次佢扮演愛上性幻想嘅小說家，今次喺I-ONE推出嘅新作品《蠱惑な林檎-聖職者の汚されたキャンバス-》入面，就扮演一位美術教師，唔知係咪因為睇得男性裸體雕像多，所以內心嘅慾望愈來愈強烈，個人亦愈來愈姣，忍唔住勾引後生仔，喺對方面前寬衣解帶，半露酥胸同玉臀。後來，更愈來愈大膽，除咗剝光豬玩人體彩繪，又變成SM女王，着上露出大半個胸又高衩嘅皮革女王裝嚟玩弄對方，場面夠晒精彩！