師傅教落，做人千祈唔好怕醜，如果乜都怕唔去嘗試嘅話，人生就毫無精彩可言，想溝女更加難過登天。而名字超特殊嘅生牡蠣芋子本身係怕醜妹一名，受到親人嘅鼓勵後，令佢信心大增，家陣成為一位活潑好動又具人氣嘅青春偶像喇！
日本藝能界唔少藝人個名都相當特別，好似有位搞笑男藝人叫做「江頭2:50」，亦有位美少女叫做「九条葱」，至於今日同大家見面嘅青春偶像亦人如其名，同時係男人嘅至愛，皆因佢個名叫做生牡蠣芋子。牡蠣即係生蠔，美味之餘，仲有壯陽之效，好多男人都鍾意食，至於芋子亦一樣係秀色可餐，擁有一副精靈俏麗嘅可愛童顏，顏值比起號稱「最強顏面」嘅人氣寫真妹十味可謂不相伯仲。雖然佢身材比較瘦削，但係本身骨架幼，所以瘦得嚟骨感唔會太重，加上心口有啲肉地，谷一谷就夾出一條深溝來，相當吸睛。
現在見到芋子拍寫真嘅時候自信心十足，舉手投足都散發出魅力吸引大家嘅眼球，但原來入行前佢係怕醜妹一名，連同人溝通都有問題，平日最鍾意留喺屋企睇動漫，宅到不得了，亦因為咁令佢生起做聲優嘅念頭。
至於點解佢後來會做咗藝能偶像呢？原來媽媽知道佢其實鍾意喺台上載歌載舞多過喺幕後做聲優，所以就不斷鼓勵佢，令佢信心大增。家陣芋子以美少女組合「神使轟く、激情の如く。」成員身份四圍演出，除咗表演，佢亦會親自作詞，可謂多才多藝。最近組合喺知名表演場館豊州PIT開演唱會，芋子為咗宣傳更加走上街頭派傳單，真係夠晒親力親為，值得支持！
生牡蠣芋子喺社交網上載好多同所屬組合相關嘅消息，另外亦會分享自己嘅可愛自拍照，想感受芋子嘅魅力，就要多啲Click入上去睇睇喇！
網址：https://twitter.com/shingeki_imoko
年齡：24歲
身高：5呎1吋
三圍：31B-22-32
撰文：賢