日向葵衣 健美甜姐兒

經過呢次疫情,相信大家都明白到健康嘅重要性。除咗身體要健康,精神都要健康至得,如果大家覺得近排悶厭厭唔得醒神,咁就啱喇,今日同大家介紹嘅寫真女優日向葵衣,就係一位健美甜姐兒,舉手投足都令人好治愈。

G級美尻集一身

冇得去酒吧、骨場等娛樂場所,對於貪玩嘅男士嚟講,簡直悶到癲,好彩網絡上有大把養眼嘅靚女,總算可以令沉悶嘅生活帶嚟少許刺激。近期人氣急升嘅美人兒日向葵衣,相信可以令好多男士提起精神。現年27歲嘅葵衣,喺日本寫真界嚟講,唔算後生,但因為個樣生得夠萌,加上擁有「壓倒性之治愈系笑容」,唔少男士都覺得佢好似小天使一樣,每次見到佢,心情都會靚番晒!另外,葵衣嘅身材真係唔講得笑,全身上下冇多餘肉地,健美得嚟,凹凸感極為強烈,原因係佢上圍對G奶夠晒堅挺,仲有一個上翹嘅美尻,加埋條水蛇腰得23吋幼,即使喺索女如雲嘅日本寫真界,亦難以搵到多一個好似佢咁弗嘅女優!

操弗身形靠運動

提到身材問題,葵衣表示自己係靠後天手法去令自己升Cup!佢話有一段時間每日都飲豆奶,沖涼時仲好努力咁將腋下兩邊嘅肉推向前,努力咗大約3個月,就成功由E奶升Cup到G奶!另外,阿妹好熱愛體操運動,更精通棒操,能力足以競逐全國棒操大賽添,認真唔講得笑!不過,阿妹並無向運動員方向發展,而係走咗去做模特兒,畢竟天生麗質,無理由唔好好善用自己嘅本錢,更何況有佢演出嘅攝影會,反應都非常熱烈,證明佢嘅決定無錯!現時,葵衣已轉戰寫真界,除咗希望以驕人身材取悅觀眾,仲特登改咗個藝名叫「日向」,意思就係想為大家帶來陽光感覺,唔知你又Feel唔Feel到呢!

社交網站

由於身心都咁弗,日向葵衣有着超強自信心,所以頻頻喺社交網騷哥利,除咗可以見到大量性感相,仲可以搵到一啲表現出青春氣息嘅片段,鍾意睇靚女嘅朋友,切勿錯過!

網址:https://twitter.com/aoi_hnta

日向葵衣

年齡:27歲

身高:5呎1吋

三圍:35-23-35

撰文:賢