世界各大足球聯賽每年都會頒贈冠軍獎盃畀積分最高嘅球隊，此外亦會頒獎畀神射手，另外仲會設有MVP，即係最具價值球員獎。喺日本寫真界人才輩出，又有冇MVP呢？當然有啦，得主就係優質新人東雲海喇！
雖然唔少港男都鍾情日本妹，但係睇過咁多寫真妹同AV女優，係咪覺得好多都令大家過目即忘，難以留下深刻印象呢？的確係有好多女優其實唔係咁靚，亦冇咩特徵令大家會記住佢，不過東雲海就絕對係令人一見難忘！
今年23歲嘅東雲海雙眼圓大且精靈有神，樣子甜美，笑起上來可愛迷人，從某啲角度睇同日本藝能界「千年一遇之美少女」橋本環奈仲有幾分相似添！亦正因為佢嘅五官分明，所以就被歸類為「清楚系美少女」。此外，佢嘅身材亦一樣令人難以忘懷，因為佢副偈相當健美，胸前對G奶脹卜卜且白滑鮮嫩，見過呢對優質G奶後，相信好難會唔記得囉！
東雲海喺今年1月正式出道成為寫真女優，並火速推出首隻寫真DVD，由於美貌與身材兼備，銷量相當理想，人氣亦火速上升！據講，東雲海之所以受到大家歡迎，除咗因為賣相夠誘人，亦因為佢係「節日之女」，每逢節日及紀念日都會喺社交網慶祝一番，例如7月8日係日本民眾認為嘅機動戰士高達日，佢就喺社交網上載高達模型照片。而東雲海本身亦係高達粉絲，一向都好鍾意砌高達模型，所以粉絲經常會送模型畀佢做禮物。
最近東雲海喺知名寫真偶像專門網站「東京Lily」舉辦嘅投票活動中，就榮獲2020年上半年注目偶像獎第一位，同時仲獲得MVP第一位，以及新人偶像獎第二位，認真威水呀！
東雲海平時好鍾意將自己嘅性感寫真照上載到社交網同大家分享，另外亦會同大家分享機動戰士高達模型嘅資訊，粉絲們一定唔可以錯過喇！
網址：https://twitter.com/sinonome_umi
年齡：23歲
身高：5呎3吋
三圍：36G-24-37
撰文：賢