人總係貪心，尤其係咸濕嘅男人，就算娶咗個靚老婆都唔心足，經常搵機會偷食，甚至狼到想搵個情婦陪自己，問題係包二奶易出事，成本又高，所以一般人只係停留喺想像階段。幸好呢個世界真係有啲靚女甘願成為大眾嘅幻想對象，好似近期人氣愈嚟愈高嘅妖艷美人古河由衣，就被選為最理想情婦！
喺日本寫真界，乜嘢類型嘅女優都可以搵得到，童顏、巨乳、美尻統統可以成為賣點，就算樣子比較成熟，一樣可以靠妖艷色情嚟上位，好似森咲智美、壇蜜、園都等等。無獨有偶，呢三位妖艷型女優都被封為「日本國民情婦」，而喺未來嘅日子，當大家討論起「國民情婦」呢個話題時，有個名字不能不提，佢就係古河由衣。
現年27歲嘅由衣，面帶姊系氣息，一對水汪汪嘅大眼充滿電力，嗰種神韻好似呼喚緊男人去填補身心嘅空虛，好有潛質成為狐狸精！就算你把持得住，冇被由衣嘅妖艷所勾引，亦難以抗拒其火辣Body，畢竟有齊巨乳、纖腰同美尻，你話點忍先！
古河由衣出道拍寫真嘅日子唔算耐，上年1月先推出首隻寫真碟《育愛日和》，而且阿妹本身喺地產公司有份正職，拍寫真只係兼職，入行係因為心底裏好仰慕經典寫真女郎森下悠里，更曾經一度跟悠里同屬一間藝能事務所，並得到對方照顧添。值得一提，由衣唔係玩玩吓，對於自己都幾有要求，仲定下兩大目標：第一，係想成為最多人討論嘅寫真女優；第二，希望好似壇蜜前輩咁，獲封「國民情婦」，而喺呢一點，阿妹其實已經達成咗，因為佢早前參加咗「最理想情婦選舉」，結果榮登冠軍寶座！喺嚟緊嘅日子，大家不妨拭目以待，睇吓由衣有冇更多機會發揮情婦魅力，令自己成為觀眾熱烈討論嘅對象吧！
既有狐狸精嘅野性，又有做No.1嘅野心，古河由衣當然唔會放過任何騷哥利嘅機會，而佢嘅社交網就成為咗展示身材嘅壁報板，不時有性感照上載，想睇吓阿妹有幾誘人，記得多啲Click入去睇吓喇。
網址：https://twitter.com/yuifurukawa
年齡：27歲
身高：5呎2吋
三圍：36-23-37
撰文：賢