點樣先可以成為女神？有樣有身材都係表面嘢，仲要好似韓國人氣模特兒尹善熙咁，擁有一顆好似天使咁純潔嘅心至得。
喺首爾出生嘅尹善熙，本來諗住成為一位兒童教育工作者，但係讀大學嗰陣，因機緣巧合，開始從事攝影模特兒工作，之後仲做埋超人氣車模。其實阿妹嘅外形真係好適合做模特兒，唔止個樣迷人，身材亦玲瓏浮凸，最重要係佢有一對修長美腿，夠晒搶鏡！不過，問到阿妹覺得做模特兒好啲，定係做教育工作者好啲時，佢話兩樣嘢係冇得比較，因為前者令佢喺事業上好有滿足感，後者係從細到大嘅夢想，兩份工作可以畀到佢唔同嘅感覺，所以心裏面都有計劃過，日後唔做模特兒，一定會投身教育行列，因為佢真係勁鍾意小朋友。