葉月翼賣萌突圍 寫真碟銷量奪冠軍

正所謂人不可以貌相,千祈唔好憑外表嚟判斷一個人,好似有啲人經常笑騎騎,其實就喺背後放毒箭。又正如寫真妹葉月翼咁,個樣天真無邪,事實上又係另一回事喇!

天真無邪

要喺日本寫真界打響名堂,大家認為女優需要有咩條件呢?冇錯,擁有一副驕人火辣身材能夠輕易引起觀眾嘅注目,已經成功咗一半。不過,最重要係能夠發揮出過人魅力,好似西永彩奈咁身材唔激凸,但係憑住一副可愛面孔,以及極具挑逗嘅演出,同樣大受歡迎,而且人氣爆升,不過後輩葉月翼似乎有力成為其勁敵喇!

今年21歲嘅葉月翼擁有一副天真無邪嘅可愛童顏,氣質清純,且帶點病態美十分惹人憐愛,如果話佢未夠18歲,相信都會有人認同。身材方面,雖然唔算激凸,但係亦有前有後,擺番個S形姿勢曲線誘人,相當吸引。

多線發展

好多人都以為叫好又叫座嘅寫真女優,一定係擁有巨乳,但係葉月翼就話畀大家知呢個世界無絕對,2017年推出第一隻寫真碟就已經搶佔網站DMM嘅寫真碟月間排行榜冠軍,第二隻碟亦成為周間排行榜冠軍,而上年翼妹更奪得DMM年度寫真碟銷量季軍,能夠排列於冠軍奈月紗奈以及亞軍森咲智美之後,認真叻女!

葉月翼能夠成功突圍,全因佢最擅長露出一副萌樣,做出各種自摸又帶邪氣嘅動作,演出極具挑逗性,睇得人興奮無比!此外,原來佢好鍾意睇色情動漫同官能小說,仲會喺網上撰寫相關評論,唔怪得阿妹對於流露色情感覺咁在行啦!未來發展方面,佢除咗會繼續拍寫真,仲會向聲優界進軍,唔知佢係咪想為色情動畫配音呢?

社交網站

葉月翼會為色情動漫及官能小說撰寫評論,每次寫完都會將相關嘅網頁連結上載到社交網,大家不妨睇吓翼妹嘅見解有冇料到啦!

網址:https://twitter.com/KDM_N_LIVE

葉月翼

年齡:21歲

身高:5呎2吋

三圍:34B-23-33

撰文:賢