有啲女仔第一眼望落唔覺得好靚，但係會畀佢嘅氣質吸引，愈睇愈有韻味，好似美國四仔界新星Gianna Dior，就係屬於呢類型，火辣身材加埋長腿，絕對令男人神魂顛倒，個個都難以抗拒！
喺美國加州出生嘅Gianna Dior，擁有意大利同印第安人嘅血統，散發出一股獨特嘅魅力，加上誘人嘅身材，令佢喺四仔界冒起得相當快。據稱佢父母都係軍人，家教嚴謹，自細讀書勤力，喺奧本大學修讀心理學系學士課程，曾喺一間眼科診所兼職做接待員，又做過餐廳侍應。
而講到佢出道拍四仔嘅經過亦相當特別，話說2018年佢讀大學期間，有晚心血來潮玩交友Apps，認識到一個喺邁阿密工作嘅男子，對方自稱從事經理人工作，仲問Gianna Dior有冇興趣拍攝寫真，原來阿妹一直對成人行業感興趣，所以二話不說便答應，仲膽粗粗揸車去邁阿密，為一本著名成人雜誌拍寫真。佢話當睇到自己成為雜誌封面女郎，嗰種興奮感覺仍記憶猶新，更開心到將雜誌寄返屋企畀父母睇，分享佢嘅喜悅，亦希望得到父母嘅鼓勵。
至於佢父母收到本雜誌嘅反應係點呢？Gianna Dior苦笑稱係相當嬲怒。原來父母唔知道佢走咗去邁阿密影裸照，仲以為佢喺大學讀緊書，所以當收到雜誌時不但嚇咗一跳，得悉佢為咗發展成人事業而輟學，更係嬲到出煙！雖然得唔到家人嘅支持，但卻仍無阻佢投身成人業界嘅決心，之後佢仲拍四仔，喺短短兩年內演出超過100部作品，而佢嘅Twitter更有超過30萬Followers。
不過咁都未算厲害，由於佢人氣超高，加上作品大賣，令片酬直線飆升，據聞達到時薪925美元（約7,215港元），呢個價錢等於當日佢打兩份工嘅月薪總和。喺接受傳媒訪問時，問到佢因為拍四仔而同屋企人關係疏離，值唔值得呢？佢坦言非常唔開心，但因為自己好享受啪啪啪，加上收入豐厚，最重要係佢喺四仔事業中搵到滿足感，就算受到其他人嘅閒言閒語，佢都唔會理會，反而覺得咁先至係自己存在嘅意義。
Gianna Dior係社交網活躍分子，無論工作幾忙碌，每日都會出幾個Po同大家分享近況，亦會同粉絲互動傾吓偈，當然唔少得Po性感寫真照益街坊，好似最近佢就去咗沙灘影咗輯比堅尼火辣照，快啲Click入去欣賞喇！
網址：https://twitter.com/gianna_diorxxx
出生日期：1997年3月12日
身高：162cm
三圍：32D-26-33
撰文：魂