喺首爾出生嘅崔星兒，原本唔認為自己係索女，反而覺得自己有啲Baby Fat。點知喺大學時期，有朋友問佢有冇興趣兼職做攝影模特兒，喺好奇心驅使下，決定一試，結果唔止愈做愈開心，仲愈做愈有人氣，之後更成為南韓模特兒界嘅人氣成員，兼且以賽車女郎身份，喺首爾舉辦嘅超級賽車冠軍賽上登場，而隨着人氣爆升，開始喺外地舉辦嘅車展亮相，逐步成為一線車模。雖然有人洽談阿妹向演藝界進軍，但佢冇應承到，反而走咗去做網絡直播，理由係咁樣會令自己有更多私人時間。最有趣嘅係，外表斯文嘅佢，原來係個賽車迷，最大嘅心願就係參加賽事，話當中嘅快感先可以令佢覺得滿足喎。