每間日本十八禁遊戲開發公司，都總有自己擅長嘅一個題材，好似Triangle咁就精於魔法、美少女同妖怪類嘅作品，而最新作品《神裝劍姬 ARCSABER～魔族懷胞～》正係糅合咗以上3種元素，加上熱血嘅戰鬥同情慾場面，極具官能刺激。
故事發生喺一個異世界大陸，人類經過短暫嘅和平後，出現一個以女王蕾吉娜為首嘅魔族，派出「三獸臣」搶奪人類能量之源「Arc」，用以繁殖下一代。為咗對抗新魔族嘅入侵，人類以「Arc」為核心研製出人類守護者「Arcsaber」，而三位女主角冬凪翼、賽菲利亞同約諾，則係人類僅有嘅三名「Arcsaber」。睇到呢度，相信唔少人都估到，既然三女身上有能量之源「Arc」，魔族唔使咁麻煩入侵人類世界，只需要捉咗佢哋就得，就係咁連場嘅激戰就咁開始。