魚與熊掌未必可以經常都兩者兼得，但係今次食完魚，熊掌咪留番下次食囉！正如欣賞日本寫真碟咁，今次睇完主打賣巨乳嘅作品，下次可換一換口味睇吓以靚股為賣點嘅演出，就好似霜月明愛嘅新作咁。
霜月明愛除咗係寫真妹，亦係一位知名嘅Cosplayer，經常換上搶眼嘅動漫角色打扮，喺動漫活動中成為龍友嘅焦點。而明愛上圍有點睇頭，但係最大賣點就係纖巧嘅腰肢以及誘人美尻喇。喺最新嘅寫真映像作品《VenusFilm Vol. 6》中，明愛盡情賣弄美尻，方法有好多，包括着上超高叉一件頭泳衣玩水，又會着上牛仔熱褲又彈又跳，仲刻意咁拉扯褲頭搞到美尻半露，甚至換上超短裙做出翹臀動作，引誘大家偷窺其「底蘊」，換上泳裝之後明愛又會爬上高梯，鏡頭則低炒拍攝佢爬梯時屁股扭動嘅動態，實在夠晒股惑！