成日睇到娛樂新聞稱女藝人做女神，到底係咪可以咁隨便就封為女神呢？定係傳媒太隨便？日本寫真界新紮女優岡田佑里乃就被稱為「資格之女神」，家陣一齊睇睇佢係咪真係有資格喇！
萬綠叢中一點紅，呢點紅色同綠色對比咁大，當然顯得分外出眾同鮮明啦！咁白色同白色又有冇得比較呢？當然有啦！日本寫真界新勢力岡田佑里乃被稱為擁有「鮮烈之色白胴體」，佢全身肌膚真係白得出奇，更顯得吹彈得破咁鮮嫩，就算拍埋歐美洋妞身邊亦同樣白得特別顯眼！
所謂一白遮三醜，佑里乃嘅肌膚如此嫩白，令本身青春可愛嘅氣質更為出眾，一副前凸後趷嘅火辣身材亦更加吸引。除咗身材吸睛之外，佑里乃亦五官標致，尤其係一雙明眸精靈又有神采，充滿靈氣，一睇就知係演戲嘅材料啦！
佑里乃喺2018年參加「Miss Magazine」選美活動獲得「Miss周刊少年獎」，繼而展開演藝生涯。由於美貌及身材俱出眾，所以出道後就被冠上好多稱號，包括「三重縣之奇迹」、「注目之美少女」，當然仲有「資格之女神」啦！稱佑里乃做女神唔出奇，但係同資格又有咩關係呢？事緣日本有一個招聘網站叫做「資格就職」，早前搵咗佑里乃拍廣告，當中佢扮演一個叫做「資格之女神」嘅角色，自此就多咗呢個稱呼喇。
提到拍廣告，佑里乃喺上年亦拍咗個甘栗廣告，當中佢對住個海喊住口咁大嗌，表情惹人憐愛，唔少人大讚佢嘅演技出色又具感染力。最近佑里乃有份參演日劇《ハイポジ1986年、二度目の青春。》，讓佢盡情發揮演技，好快大家可以欣賞到阿妹嘅精彩演出喇！
簡介：岡田佑里乃近期工作多多，又拍廣告又拍寫真，認真忙到甩轆，想知道阿妹最新嘅工作動向，就要留意佢嘅社交網喇！
網址：https://twitter.com/yurino_okada
年齡：21歲
身高：5呎1吋
三圍：33D-23-32
撰文：賢