有人話每年到呢個時候，酒會、晚宴、派對等應酬活動停不了，因此亦係出軌嘅高峰期，呢位男網友就係其中一位，佢話：「我公司每年呢個時候都會舉辦派對，由於公司嘅人數唔算太多，約20人左右，故此好多時都係訂間派對房玩。上年年中公司嚟咗個女同事，佢細我10年，因為住喺我屋企附近，所以喺老婆嘅同意下，好多時都會接埋佢上車，然後先送老婆返公司，我哋兩個再一齊返工。點知喺嗰晚公司派對上，佢突然拉我出去咀咗我一啖，可能我都飲大咗，冇第一時間推開佢，仲互相搜索對方身體，不過冇耐我就推開咗佢，跟住成晚我哋就冇再傾過偈，而且每日如常一齊返工。雖然係咁，但我知對佢嘅感覺已經唔同咗。唔知大家有冇咁嘅經驗，可以同我分享一下，等我知道應該點樣做吖！」