魔物、煉金術、異生物等都係魔幻主題遊戲嘅元素，而作為魔幻題材嘅十八禁遊戲，除咗呢啲元素之外，當然唔少得巨乳女角色同情慾畫面，日本十八禁遊戲開發商ninetail嘅最新作品《創神的Ars Magna》，更糅合RPG玩法，因而備受期待。
故事講述煉金術始祖為將人類帶離化成灰燼嘅舊大陸，並喺名為Ars Magna嘅新天地生活至今，已成為遠古故事。不過喺灰燼大地誕生嘅灰魔，打算入侵Ars Magna大陸。雖然煉金術始祖消失多年，但煉金術從未喺Ars Magna消失，而玩家就要聯同一眾女角色為打敗灰魔而努力。之但係血氣方剛嘅煉金術師，面對身材火辣嘅巨乳公主、敏感體質嘅女精靈族、色氣十足嘅師姐等誘惑，又能否一邊打敗灰魔一邊解決生理需要呢？