喺現今世代，拍AV已經唔需要感到羞恥，好似蒼井空早幾年經常高調出席各種活動，仲跳出日本去到內地做代言人。不過，當空姐結婚生仔之後，始終都係介意自己嘅過去，所以早前佢嘅AV作品已經喺日本最大型嘅AV銷售網FANZA下架，希望將黑歷史清洗。
最近亦有一位經典級AV天后希望學空姐咁，佢就係明日花綺羅。近日有人發現喺FANZA中，綺羅為AV廠h.m.p拍嘅AV已經全部消失。據消息指，相信係成為富婆嘅綺羅自退出AV界之後，開設個人內衣品牌嘅生意搞得有聲有色，儼如一位企業家，水漲船高，唔想畀其他人再睇到自己嘅AV片，而第一步就將h.m.p拍嘅AV下架，至於綺羅為Prestige及S1拍嘅AV會唔會下架呢？相信日子唔會遠，所以大家如珍藏綺羅嘅AV作品的話，就要快手喇！