宣傳確係好重要，尤其係新女，如非出席大型公開活動，AV迷根本唔知佢係乜水，好似早前舉行一年一度嘅慈善活動「摸乳救地球」，搵嚟幾位AV女優參與，細佬見當中有位青春女優花宮麗，眼大大咪脹脹，即上佢嘅Twitter睇吓，發現佢可算係最「唔女優嘅女優」，事關阿妹根本就唔憂做囉！
佢今年3月入行，擔正演出嘅AV片十隻手指數得晒，攝影會就更加少，但係佢由朝到晚嘅生活都離晒地，唔知仲以為佢係闊太，每朝食完個靚早餐，就揸車返公司出席啲公開活動，跟住就去「濕平」，夜晚去食好東西，之後唔係返歸，而係約姊妹去居酒屋劈酒，兼且晚晚唔同場，飲到醉仲玩自拍，超爽！仲有，佢原來係《星戰》粉絲，最愛角色係R2-D2，除咗喪買星戰玩具，最近電影上畫，阿妹首日已湧入場睇啦！呢種優哉悠哉嘅生活，實在令人羨慕！
網址：https://twitter.com/hanamiya_lei