最近各大四仔頒獎禮入圍名單出爐，發現白妹Whitney Wright喺AVN頒獎禮有多達14個獎項提名，咪以為係豬肉獎，阿妹喺Acting、 Writing、Performing、Directing幕前幕後四大範疇統統都有人賞識，誇張啲講，頒獎禮未舉行都經已贏咗喇！知四仔迷冇興趣深究Whitney Wright邊套作品入圍咁架勢，但係巴打都應該覺得阿妹真心勁同真心威囉！
事實上，呢位年僅28歲，入行3年嘅正爆白妹，外表齊架生，內涵更高質，皆因阿妹嘅戲路從不揀擇，市場上可以出街嘅四仔，佢全部都演齊晒，而最重要係佢為人低調冇架子，好似今次獲14個獎項提名，佢接受傳媒時只輕描淡寫回應：「一切都係令人難以置信，我感到非常高興和興奮，真係夢想成真！」真係謙卑到冇朋友，換轉係其他脫星，至少要𢱑番個雜誌封面，上電台吹足一粒鐘先肯收口啦！