夢寐以求與女神迎接聖誕

數數手指,聖誕話咁快就到來,相信有唔少單身男諗緊點過節,而已引退嘅AV女神吉澤明步,就為各位寂寞的心提供一個齊齊沉醉於節日氣氛的機會!究竟要點樣先可以見到女神?睇吓以下嘅介紹喇!

真人現身見粉絲

有AV界女神之稱嘅吉澤明步雖然喺今年3月已正式引退,但卻仍然相當活躍,好似佢喺10月底啱啱舉辦多場萬聖節粉絲活動,而最新搞作就有名為「吉澤會 聖誕篇」嘅主題活動。分別於12月14日及15日喺東京台東區舉辦,每日分別有10分鐘攝影會同聖誕派對兩場活動。10分鐘攝影會的限定人數為15名,吉澤女神會以聖誕女郎造型登場,喺四個唔同時段中每次跟3或4名粉絲一齊影相(每人約有10分鐘),入場費27,000日圓。聖誕派對則係喺兩個半鐘嘅派對時間內,聽女神唱歌、影相、聚餐等活動,派對限定人數為21名,入場費為30,000日圓。至於參加方法好簡單,只須透過佢嘅官方Twitter或IG上嘅連結,登記做吉澤女神粉絲俱樂部「吉澤會」嘅會員,然後再畀入場費就得。不過如果要參加兩個活動,就要畀兩次錢!

日女點睇騎乘

騎乘呢種女上男下嘅性愛體位,雖然係AV嘅指定啪啪啪動作,同時感覺上好似好普遍,但日本有調查發現原來喺女性心目中嘅接受度,竟然唔係男士諗嘅咁高。日本官能小說家大泉里香早前喺網上,做咗個對騎乘接受度嘅調查。喺138名參與嘅女士中,雖然所有人表示曾玩過騎牛牛,但只得59%表示好鍾意同有興趣,而分別有30%同11%,表示唔鍾意同好討厭。鍾意呢種玩法嘅女士稱,騎牛牛可以掌握性愛主動權,可以調整兵器進入嘅角度,有女士則表示可以見到自己嘅胸部等。至於好多唔鍾意嘅女士則稱,呢個動作需要好大嘅體能,會令到自己相當攰,另有女士則覺得伴侶從下望上嚟,會覺得自己個樣好似下垂咁,感覺唔係咁好睇,亦有女士擔心自己嘅體重,會騎到伴侶好辛苦。

決勝內衣調查

日文「勝負下着」又被稱為「決勝內衣」,相傳日本女性跟心儀異性約會時,為咗同自己打氣兼且可以畀到對方更佳嘅印象,都會挑選一套心水內衣應約。之但係現實又係咪咁呢?日本早前有綜藝節目針對決勝內衣進行調查,發現結果同傳聞有啲分別,事關根據節目調查顯示,只得31.7%嘅女士,表示會為咗異性而準備決勝內衣,反而有51%女士表示準備決勝內衣嘅原因係同異性交往無關,例如有受訪女士稱喺拜訪第一次見面嘅客戶時,佢會穿着藍色嘅內衣,因為能令心情變得安定;有女士稱喺重要考試時,會穿着紅色嘅內衣;有女士則稱睇棒球時為支持愛隊,會穿着決勝內衣睇比賽,亦有從事風俗業嘅女士稱着金色內衣會令自己更有幹勁。綜合以上情況,決勝內衣應叫做動力內衣至啱。

撰文:魂