玩兩手 抖一抖

男人去澳門玩，目的只得兩個，一個係搵女，另一個就係玩兩手。咁去到澳門究竟係搵女先定玩兩手先，呢樣嘢本嚟係悉隨尊便，但若然只係掛住玩兩手，而忘記當初搵女嘅目的，咁就大件事。點解咁講呢？朋友甲既鍾意搵女又鍾意玩兩手，目標相當明確，只係佢有個唔好嘅習慣，就係一埋賭枱就唔識得見好即收，結果咪畀佢呢種鍾意磨爛席嘅習慣，搞到十居其九都係倒輸離場。不過由於有時亦會畀佢磨到贏，所以即使偶然贏一次，仍然驅使佢不斷重複呢個習慣，經常搞到冇錢搵女，褲袋空空如也，相當掃興。