《惡魔高校D×D》動畫系列自從喺2012年1月於日本播出後，憑住輕鬆嘅後宮式劇情，加上一班性感兼身材火辣女角色，而獲得極高人氣，因此佢嘅後繼動畫亦不斷推出，而最新一輯《惡魔高校D×D HERO》喺去年4月播出。雖然有人話漫畫原作嘅十八禁畫面先至正，但動畫仍然極具人氣，尤其係女主角之一嘅愛西亞‧阿基多，更係先後多次推出模型。既然係咁，梗係要搞新意思等粉絲入手，最新登場嘅模型就喺佢件泳衣上落足心思。
驟眼睇落去，件粉紅泳衣係就係萌味十足，對車頭燈亦相當激凸，但對呢套香艷味十足嘅作品嚟講好似保守咗啲。不過睇真啲後便會發現，件泳衣係玩透視感，誘人身材若隱若現下更覺性感。如果覺得仍未夠正嘅話，仲可以親手將佢剝光豬，全相任你睇！