「尻職人」唔係一個工種，而係日本巨臀寫真女優倉持由香嘅外號，皆因呢位擁有39吋渾圓巨躉嘅女優，不但擅用呢個身體部位嚟影寫真吸睛，更憑住豪華臀而喺日本擁有勁多粉絲。之但係講到出書，咪以為一定係寫真，今次佢寫咗呢本名為《寫真偶像的工作理論 打算與叛逆的SNS生產術》嘅著作，內容相當特別，就係講佢點樣利用豪華臀嘅優勢喺寫真界上位。
佢喺書中稱，唔少人以為想成為人氣寫真女優，有個可愛嘅面孔同巨乳就得，只係現實並唔係咁，唔少寫真女優擁有天賦本錢卻仍搵唔到錢，因此佢綜合多年喺寫真界闖蕩經驗，發現想上位就要講策略，而佢成功秘技就係靠自拍巨臀相放上SNS，跟住再透過網絡營運同宣傳等策略，終於成為今日寫真界嘅「股神」。如果想知得更詳盡，就要買呢本書睇吓，但前提係要識日文喎。
書名：《寫真偶像的工作理論 打算與叛逆的SNS生產術》
售價：約HK$78