無聊「無瀨」好享受

無聊時你會想大覺瞓,無聊你會覺得浪費時間,無聊你會沮喪鬱悶,總之無聊係無法避免!無聊對任何人感覺都係負面,但掉轉諗,家陣可以無聊吓其實係一種享受,因為證明你奢侈到有時間可以唔使做嘛!假如你真係有時間發呆,建議你不如花點時間睇吓AV女優嘅社交網,首選係同樣無聊透頂嘅水無瀬怜奈。

水無瀬怜奈呢個名係有啲尷尬,但「無瀨」仲易記。講到無聊,阿妹真係表表者,由佢6月開始玩Twitter以來,每次出Po都令人無話可說,例如影食物、素顏大頭相,連放假一個人去動物園對住松鼠都影足幾粒鐘,夠無聊未?不過呢啲碎料啦,自稱係摔角迷嘅佢,早前去咗仙台睇比賽,竟然無聊到帶埋隻毛公仔一齊出發,其實阿妹都唔係第一次咁做,公仔出鏡率拍得住佢對奶呀!

網址:https://twitter.com/minase_cmore/