白川未奈 摔角夠「胸」狠

雖然自古以來,上戰場打仗嘅大部分都係男人,但係好勇鬥狠並唔係男人嘅專利,女仔一樣可以好打得,打起交上嚟有時甚至比男人更加兇狠,就好似白川未奈咁,唔單止上圍夠「胸」狠,喺擂台之上仲勇武十足!

嫩口好波

政府成日鼓勵市民多做運動,其實勤做適度運動的確對健康大有好處,健康之餘仲可以令身材更苗條好睇,據講仲有保持青春嘅奇效,唔信呀?大家可以睇吓白川未奈個樣先,係咪覺得佢得青春可人,仲帶點十零歲妹妹仔嘅可愛同天真感覺,而且皮光肉滑又有彈性,但係原來佢已年屆31歲,真係Keep得好好呀!

老實講,小弟多年來閱女無數,亦估唔到未奈已經年過三十!雖然佢生得細粒,但係身材婀娜健美,仲應大則大,應細則細,上圍擁有一對H Cup美巨乳,認真睇頭十足,而有留意未奈嘅朋友應該會發現,其身材比初出道時更弗更火辣,呢一點一定係同佢經常做健身運動有關喇。

揚威擂台

白川未奈人靚胸大,原來仲相當有學識,佢係青山學院大學英美文學科嘅畢業生,喺日本讀得英文科都唔講得笑,仲要讀英美文學科就更係勁上加勁!畢業之後,佢去咗做婚禮籌備師,由於非常仰慕知名美國女歌手Beyonce,所以一心勇闖藝能界,2013年憑住參加選美活動「Miss FLASH」而成功進軍寫真界,另外亦獲得機會登台唱歌。

喺上年,未奈突然宣告成為女子摔角手,不過咁都唔使奇怪,因為佢一直都好鍾意睇擂台比賽,仲好仰慕傳奇摔角手獸神雷霆萊卡,後來佢做咗摔角賽舉牌女郎,之後就更加想上台打比賽,結果膽粗粗加入摔角手行列,喺今年9月更成為「日本Best Body MANIA 1周年記念大會」女子冠軍,相當厲害!

白川未奈 Profile

年齡:31歲

身高:5呎2吋

三圍:36H-24-35

社交網

簡介:白川未奈近期喺摔角界頻頻征戰,大家如果想見識未奈喺擂台上嘅英姿,不妨多留意佢嘅社交網,因為會有好多相關照片。

網址:https://twitter.com/minashirakawa

撰文:賢