曾幾何時時鐘酒店會以鏡房作為賣點，吸引性急男女去啪啪啪。不過講真，其實對女士嚟講，呢種對鏡啪啪啪嘅玩法又係咪接受得到呢？咁啱日本有個關於呢種玩法嘅調查，大家不妨參考吓。
情趣酒店有個必備嘅設備，就係鏡，有啲房唔單止四面係鏡，連天花都有鏡，皆因有唔少人話對鏡啪啪啪會過癮好多，但實情又係咪咁呢？日本官能小說家大泉里香早前又喺網上作調查，今次就問大家鍾唔鍾意對住塊鏡啪啪啪，結果喺225位參與者中有兩成四鍾意呢種玩法，另有四成表示可以一試。佢追問女士對住塊鏡做時，會望住自己定對方呢？有23%話望自己，6%望對方，69%話兩個都望。之但係對鏡做有乜吸引呢？有女士表示可以見到男士抽送時嘅表情，呢啲平時好少會留意，有女士話可以望見自己興奮嘅樣時覺得既下流又刺激，亦有人話望住鏡中倒影，就似睇緊AV咁過癮，甚至有人話自從試過喺鏡前啪啪啪後，自娛時亦鍾意對住塊鏡嚟玩。不過唔少受訪者卻補充，塊鏡千祈唔好擺得太近，否則冇咗影像帶嚟嘅張力。
隨住科技嘅發展，以前想睇3D電影只有去戲院，家陣卻喺屋企都睇到，不過如果係4D，即係唔單止有立體視覺效果，仲有埋氣味呢？日本有男網民自稱搵到一個極天才嘅方法，可以喺睇美少女動畫時有4D般嘅嗅覺感受，佢仲將方法放上網分享。方法好簡單，就係事先準備散發少女氣味嘅噴霧劑同止汗劑，跟住每當有舉手、泳衣、運動等鏡頭時，就即刻拎出嚟噴，咁就可以有4D體驗。佢仲話如果根據特定角色，噴特定嘅氣味不但能加深印象，瞓覺時噴下張床仲有共枕嘅感覺添。雖然佢自稱係天才，亦有網民覺得正，但更多網民覺得佢似癡漢多啲，甚至有網民更稱佢做悲傷變態。話時話，其實邊睇片邊噴香體劑，會唔會覺得好煩同埋影響呼吸系統呢？
對球迷嚟講，如果喺激戰中嘅球場上，突然有索女公然露點，大家會望邊？上個月28日，喺華盛頓進行嘅美國職業棒球聯賽（MLB）世界大賽系列賽第五場激戰中，候斯頓太空人嘅投手對面，突然有3位索女扯高上衣並露出兩點（直播鏡頭只影到兩位），須知道呢刻係做緊直播，即時引起軒然大波，唔少人問究竟呢三位女郎係邊位呢？事隔冇耐，美國巨乳網紅兼模特兒Julia Rose就喺Twitter承認佢係當事人，而另外兩位同為網紅兼模特兒閨密Lauren Summer同Kayla Lauren。有人就話佢哋想出位，但其實佢哋嘅Instagram追蹤者分別有330萬、170萬同84萬，咁紅又點使出位呢？而Julia Rose亦表示佢只係想宣傳預防乳癌，而唔係想干擾賽事，佢哋三位不但被即時趕離場，Julia Rose及Lauren Summer更被MLB無限期禁入場。講番場比賽，太空人最終都係贏咗。
撰文：魂