美國四仔迷認為熟女Lisa Ann係四仔界傳奇人物，但有唔少人卻認為佢「冤魂不息」，走完又走，返完再返，點都唔肯正式引退。今日唔係想同大家爭拗啱定錯，淨係想講Like佢嘅粉絲，到今日依然會支持Lisa姐嘅官網，但唔撐嘅睇完Lisa姐對潮鞋，內心一定會好「葡萄」囉！皆因呢對波鞋暫時只得Lisa姐獨有，佢喺訪問中表示，粉絲將來可以喺網上預訂呢對稱為「Sexual Superhero」系列嘅Air Jordan 1喇！
其實今次並非Lisa姐第一次Custom Made波鞋，至於訂製波鞋何解同阿姐扯上關係？咁就要回到2011年佢出席Urban X Awards講起，當時佢着住Air Jordan 1現身，外界覺得佢好有潮流觸覺，自此就經常穿着不同限量波鞋登場。Lisa姐表示呢對波鞋係與波鞋設計師Richie Range及專改潮鞋嘅公司Garrixon Studios合作而成，選用佢最愛嘅絲絨及豹紋，同佢平日嘅衣着襯到絕！阿姐一收到對鞋仲第一時間拍開箱片，當然唔少得充當人肉Model着上腳示範啦，上身豹紋，對腳又豹紋，可惜一點不露囉！