栗惠美最愛騷哥利

每個人天生總會有其獨特嘅個性,有人好靜鍾意喺屋企打機,有人好動鍾意落街打波,可謂各有各精彩。而栗惠美呢位童顏美少女又有咩獨特個性吸引觀眾呢?就係鍾意騷身材喇!

童顏嫩白

喺日本,無論係AV界定寫真界都有好多出類拔萃嘅女優,唔敢講佢哋數目好多,但係一定比香港多,而且更加出色。就以童顏系女優為例,AV界就有一位被稱為「永遠榮譽處女」嘅花蕾,即使已經入行逾10年,亦年過30歲,但係仍然保持一副可愛童顏。至於寫真界方面,長年童顏不變嘅代表就有篠崎愛,當然亦唔少得今日介紹的栗惠美啦!

栗惠美今年25歲,但係幼嫩嘅氣質同十零歲嘅後生女完全冇分別,相當惹人憐愛。除咗擁有可愛童顏之外,仲保持肌膚細嫩幼滑,不過更添吸引力之處,在於佢比起一般童顏美少女嘅上圍更為豐滿,阿妹有童顏又有巨乳,冇理由唔鍾意啩!

瞓身做騷

栗惠美喺高中時期已經被星探發掘加入藝能界,起初主要以歌手同寫真女郎身份發展,2014年加盟由美少女組成嘅表演團體「轉校少女歌擊團」,4年之後就離開團體作個人發展。喺擔任歌手嘅期間,惠美同時推出寫真作品,而最近推出嘅寫真映像《美らり》就係佢第7部寫真DVD喇。

除此之外,惠美亦有參與拍電影,知名作品包括喺2016年上映嘅《請叫我英雄》。雖然喺多方面都發展如意,但係醒目女嘅惠美早前創立個人服務品牌,仲瞓身做埋模特兒添。點解做咗老闆娘都要咁辛苦呀?冇計啦!惠美話自己係天生露出狂,最鍾意就係騷自己嘅胴體畀大家睇,有機會梗係要盡情露一露啦!

個人網站

簡介:栗惠美擁有自己嘅官方網站,當中除咗售賣服裝,仲會發布活動行程以及社交網嘅連結,想緊貼阿妹嘅動向就要留意喇。

網址:https://www.kuriemi.com/

栗惠美Profile

年齡:25歲

身高:5呎3吋

三圍:32C-22-33

撰文:賢