冇夢想嘅人同有夢想嘅人有咩分別呢？前者未必如星爺所講同條鹹魚一樣，但係後者一定顯得更為精神煥發，亦魅力十足，好似關根彩蘭咁擁有遠大夢想，唔怪得愈來愈索啦！
近期來自日本大型女子團體嘅寫真妹猶如雨後春筍般不斷湧現，佢哋唔單止為我哋帶來精神為之一振嘅青春同清新感覺，亦為觀眾帶來性感養眼嘅優質寫真照，好似早前為大家介紹嘅上西怜係來自NMB48，而今日同大家見面嘅關根彩蘭就係來自人氣組合「放課後公主」喇！
今年26歲嘅關根彩蘭初出道時冇咁靚女，可能係化妝技巧愈來愈好，又或者係其他原因，家陣阿妹變成一副可愛嘅瓜子臉，五官亦標致咗好多，笑起上嚟散發出令人甜到入心嘅感覺。身材方面亦一樣吸引，上圍對D奶分量十足又鮮嫩，加埋美股又大又圓，而且上翹又光滑，絕對係愛股人士夢寐以求嘅美巨躉！
2012年彩蘭開始做賽車女郎，期間亦有拍攝水着寫真，但係造型比較密實，加上個樣冇依家咁靚，所以人氣唔高。後來佢加入「放課後公主」嘅預備組，到2016年成為正式成員，憑住出色歌藝而備受注目。彩蘭現時以隊長身份帶住班隊員四圍登台表演之外，仲好積極咁進軍寫真界，上年年尾便推出寫真集《Tropical Girl》，當中佢作出突破性感界限嘅演出，並獲得極大回響，彩蘭表示進入令和新時代，會為大家帶來更火辣更激嘅性感演出。
另外，佢嘅目標唔單止喺寫真界發圍，仲希望可以學知名女星菊地凜子咁進軍荷里活，唔知阿妹嘅英文掂唔掂呢？呢層唔使同佢擔心，因為彩蘭喺大學主修英文，又去過洛杉磯留學，一定冇問題啦！
簡介：近期關根彩蘭積極拍攝性感寫真，大家從佢嘅社交網中可以睇到拍攝花絮以及阿嘅性感美態，千祈咪錯過喇！
網址：https://twitter.com/ sasaluv_0114?lang=ja
年齡：26歲
身高：5呎4吋
三圍：32D-23-36
撰文：賢