憑住人氣遊戲系列《光明之淚》人物設計而成名嘅日本插畫師Tony，佢筆下嘅女角色唔單止萌味十足，優雅嘅氣質加上玲瓏浮凸嘅身材，成為唔少電玩迷嘅女神。由佢主理嘅性感模型系列「T2 ART☆GIRLS」，亦係唔少模型迷心頭好，而最新登場嘅系列作「女僕風水着娘」栗山繪美里，睇個名就知道以女僕為設計主題。話晒Tony係大師級插畫師，栗山繪美里樣貌同身材有幾正，絕對係毋庸置疑，加上內衣嘅造型超性感，尤其係嗰對激凸巨乳更令人眼前一亮。講到性感，其實栗山繪美里嗰條底褲一啲都唔輸蝕，小巧得嚟配合埋一對黑絲襪，女人味出晒嚟。模型嘅點睛位在於佢一對眼鏡，性感得嚟又不失斯文，絕對值得一讚。