「努力！加油！」呢句打氣說話係咪真係能夠令人表現更加出色呢？對於男人嚟講，如果係出於青春美女口中，就一定可以令佢哋谷盡潛力，唔會好令對方失望喇！若然呢位美人係坂口風詩的話，唔使開口都已經令男人朝氣勃勃，精神一振呀！
香港人好鍾意去日本旅行，但一提到福島就會人人聞之色變！相信箇中原因唔使多解釋都會明，而小弟亦因此對福島印象欠佳，但係見到出身於福島嘅坂口風詩咁嫩口吸引，當堂愛上福島呢個地方！
坂口風詩今年18歲卜卜脆，氣質清純又清新，而且一笑生花，令人感到無比醒神，以後我返工覺得眼瞓唔使再飲咖啡，睇吓風詩嘅寫真就即刻醒神晒喇！詩妹青春嫩口，身材同樣鮮嫩白滑，而且玲瓏浮凸，上圍對脹卜卜嘅F奶配合白皙肌膚顯得更加誘人養眼。
出生於福島縣會津嘅坂口風詩喺上年異軍突起，成為寫真界新貴。佢喺12歲時演出過大河劇《八重之櫻》，長大後就成為美少女模特兒團體「福島美少女圖鑑」其中一員，上年更成為電視節目《為目標！甲子園》第8代棒球少女，人氣火速上升，原因係佢為高校棒球賽福島大賽擔任打氣女郎，其青春甜美又親切形象瞬間成為觀眾嘅注目點。
之後，風詩投身水着寫真界，將一副誘人身段公諸於世，令人氣進一步上升！不過，風詩表示唔會留喺寫真界發展太耐，因為佢嘅目標係成為第二個綾瀨遙，好想好似對方咁成為影視紅人。其實做影視紅人同拍水着寫真冇咩衝突啫，希望詩妹唔好咁快就決定唔拍寫真啦！
簡介：坂口風詩成名之後活動多多，但係忙得嚟都會抽時間去四圍飲飲食食同遊覽風景，想知名最近詩妹又去邊度享受美食同美景，可以Click上佢嘅社交網。
網址：https://twitter.com/futa_sakaguchi
年齡：18歲
身高：5呎2吋
三圍：35F-24-34
撰文：賢