寧寧出招冧華人

近年有唔少日本AV女優到大中華地區進行宣傳活動，最近更加有一位小天后喺網上拉票都要用中文添！即將於5月上演嘅FANZA成人大獎2019成為一眾優秀女優爭名逐利嘅戰場，AV廠S1嘅專屬小天后吉高寧寧對呢個獎虎視眈眈，近日唔單止頻頻出動去到各家AV銷售店做宣傳兼拉票，喺社交網亦一樣密密上載自拍照呼籲大家投票支持自己，最近仲用埋中文寫貼文，寫住「入圍了FANZA成人大獎2019的最優秀女優獎請投票給我！請支持！」，同時上載咗一張喺台灣九份拍攝嘅風景相，睇嚟寧寧相當重視大中華嘅粉絲。不過我覺得咁都唔夠，寧寧不如趁投票截止日期前，多啲飛嚟香港親身拉票啦！

生活受制要引退

所謂人怕出名豬怕肥，做明星同AV女優都唔一定係好過癮，好似因為生活受到限制，可愛萌妹女優宮澤由香里就決定引退。最近由香里喺社交網發表引退宣言，當中表示自己喺3年前加入AV界，一直都好有熱誠打拚，得到咁多AV迷支持亦感到高興，之但係喺上年10月就下定決心引退。

另外，由香里仲提到引退嘅原因，係因為好多人都認得佢，令佢出街進行日常生活嘅時候不時被人指指點點，不但影響身邊嘅朋友，生活上亦受到限制，最慘就係佢唔識得面對呢啲情況，因而備受困擾，故決定退出AV界，希望以後可以過住幸福嘅正常生活喎！既然阿妹心意已決，在此祝佢生活愉快啦！