近年香港有好多大型基建建造得如火如荼，所以唔少人都轉行做建築，不過喺日本，呢個行業似乎唔係咁吃香，專門招聘呢類行業工人嘅網站「jobken.jp」甚至要出動到美人計嚟吸引人入行。
早前寫真界陽光巨乳美人鈴木富美奈喺社交網中表示應網站邀請，進行咗一次駕駛挖泥機工程體驗，富美奈膽粗粗咁去到山梨縣一個地盤，嘗試一下駕駛挖泥機同推土機嘅滋味。由於網站正逐步公開富美奈如何駕駛重型工程械器，所以富美奈有冇雞手鴨腳就未知，但係過程有專業指導員從旁協助，相信阿妹可以順利完成。而近期富美奈除咗拍寫真，亦有其他發展，例如擔任書評人以及演出舞台劇等，認真多才多藝！
網址：https://twitter.com/suzukifumina
撰文：賢