好多人都以為AV女優個個都係拜金女，乜都要食好着好，不過當你睇過相澤南嘅社交網後，就會從此改觀。雖然南妹嘅身材麻麻，薄身微波，相當纖瘦，但係佢擁有內在美，以好性格取勝。記得有一篇網絡潮文講男人一生只為尋覓一個肯同自己捱快餐嘅女人，你以為喺現實中冇可能搵到，原來呢個世界堅有呢種女人o架！南妹不但鍾意食快餐店，仲食得好Sweet好Cutie添呀！咪以為阿妹扮貼地呃Like，佢喺社交網每日都會分享排晒隊嘅人氣食店，睇得出佢真係好鍾意周圍食嘢。此外，佢又會公開粉絲送嘅禮物，見到佢着住比堅尼Show啲禮物笑到鬼咁開心，連網友都被佢感染埋一份呀！