日本AV界除咗有Sky PerfecTV成人放送大賞、AV OPEN以及DMM成人大獎呢三個大型頒獎禮外，仲有一個SOD大獎，雖然佢係小圈子選舉，但係注目程度唔低，原因係SOD旗下AV品牌眾多，與之合作嘅自由身女優亦相當多，故歷來都請到唔少頂級女優出席，好似上屆就有波多野結衣、AIKA等天后級女優撐場喇！
最近SOD宣告舉辦「SOD大獎2019」，日期定於3月21日，至於場地則暫時未有透露，頒獎禮將會招待100名AV迷共同參加，呢班幸運兒唔單止可以見證女優們得獎嘅光榮一刻，仲可以同女優一齊飲飲食食兼參與攝影會，之不過想做幸運兒唔單止要有運氣，仲要夠豪氣，事關參加者需要幫襯SOD嘅購物網並且儲夠一定積分至可以取得入場門券，嘩！SOD真係好識做生意呀！
撰文：賢