交歡係人之本性，但講到探求當中樂趣卻唔係好多男女會咁做，難得呢位女網民願意作出呢方面嘅分享。佢同丈夫結婚3年，對性愛一直都相當熱衷，會嘗試唔同嘅方法令性生活有更多樂趣，佢話：「我哋試過好多種情趣玩具，發覺最令我興奮嘅，莫過於用按摩器刺激敏感部位，然後老公從後進攻，令我高潮迭起。講到最唔鍾意就係遙控震蛋，因為令我有種控制唔到嘅感覺，唔知大家同另一半會唔會喺床上齊齊進行探索呢？」
變身俠女：你就好啦，老公肯同你探索新玩法，我老公就唔同，同佢講親呢啲嘢，佢都好唔在意同埋唔想多講咁，其實我都好想試吓新玩法囉。
Penny_C：可能你同丈夫嘅思想比較接近啦，我就唔敢同丈夫講呢啲嘢，感覺好似怪怪咁。如果可以有新玩法嘅話，其實我都願意試吓，之但係又唔知點樣開聲好。
J. Cornan：我有同女友試吓新玩法，起初佢都好願意，但唔知點解後嚟佢就好抗拒，仲話我鹹濕，成日諗住啪啪啪，搞到我覺得自己好似有問題咁。
尋找那個樂園：其實呢種對性生活嘅探索，真係好講雙向嘅，好彩我男友思想都好開放。我試過邊玩震蛋邊做，感覺唔錯，但前奏時一定要加按摩油，感覺會舒服好多。
撰文：魂