新潟美人變車女

屬於車迷焦點嘅東京自動車展經已圓滿結束，大家除咗掛住展場中嘅靚車，當然亦記掛住一班車展女郎，而日本寫真女郎橘花凜今年亦有幸成為其中一員。出生於新潟縣嘅橘花凜身材豐滿誘人，樣貌生得同寫真天后原幹惠有幾分相似，所以被稱為原幹惠嘅接班人，之不過一路發展落嚟，事業卻停滯不前，而近年凜妹喺寫真演出上加大露出度以及挑逗性，終於成功令人氣上升，更成為東京自動車展嘅車展女郎，難怪佢喺社交網表示相當高興。做完車女之後，阿妹話會繼續努力發展寫真事業，希望會有更加誘人又具突破性嘅演出畀大家欣賞。