日本AV題材眾多，好多人都以為巨乳主題必定係最受歡迎，咁就大錯特錯喇！喺日本AV迷熱捧題材排行榜中，巨乳係三甲不入，反而「NTR」成為冠軍。話時話，乜嘢叫做「NTR」呢？
唔少網站都為啱啱過去嘅2018年進行總結，而日本最大型AV銷售網FANZA就進行關於去年日本AV迷最多人選擇AV題材嘅總結，睇吓唔同年齡層嘅AV迷對邊類型AV最有興趣。結果相當有趣，事關唔同年齡層嘅首位竟然都係「NTR」！至於第二同第三位則有啲唔同。18至34歲嘅AV迷最愛題材第二位係「催眠」，第三位則係「女裝男子」，即係偽娘咁解；35至44歲則分別係「人妻」同「女裝男子」；45歲以上分別係「人妻」同「熟女」。至於乜嘢叫做「NTR」呢？佢又叫做「寢取」，指男主角嗒咗人哋女友或老婆，或者男主角嘅女友或老婆被人嗒咗，戴綠帽慘慘豬。話時話，點解AV迷會對NTR同偽娘嘅題材咁有興趣呢？
男士知唔知兵器外形有幾多種？英國男性性功能障礙產品研發公司iMEDicare嘅董事總經理Darren Breen，自稱每個月見到400至600名男性患者緣故，所以熟知男士兵器嘅外形，並從中歸納出7種。佢稱最常見嘅外形係成支兵器都勻稱嘅「香腸」，其次分別係短於男士兵器長度平均值卻又粗壯嘅「甜椒」、尖端略幼但根部較粗嘅「圓錐體」、向左或右側略彎嘅「香蕉」、根部略幼但頭部較大嘅「錘仔」、幼得嚟又長嘅「鉛筆」，同埋形狀同香腸一樣，尺寸卻大好多嘅巨根「黃瓜」。不過佢嘅見解經英媒報道後，卻有唔少人留言Darren Breen睇到咁多兵器後，佢會唔會有飽滯感喎！
呢度講嘅人造人唔一定係指經過整形嘅女性，而係一位嚟自俄羅斯嘅美乳型格Cosplayer，佢就係網名叫「Kasuzame Yuu」嘅Julia Kasu。話說佢早前憑住一輯Cosplay日本人氣漫畫《龍珠》中嘅女角色「人造人18號」而一舉成名，除咗因為神髓勁似外，更因為嗰對美乳令呢個Cosplay生「色」唔少！其實喺睇《龍珠》時，真係冇乜人留意過人造人18號上圍係咪美乳，只係經過Julia Kasu呢次Cosplay後，先至發覺原來呢個角色都可以咁性感，當中佢一張戰鬥後嘅造型，更係野性感十足。不過講到性感，呢次對Julia Kasu嚟講卻係小事，事關佢曾經玩過露兩點Cosplay，認真夠豪放呀！
撰文：魂