愛的力量沖出嚟

老夫老妻其中一個問題，就係對性愛提唔起興趣，只係落喺1999年榮獲第44屆小學館新人漫畫大賞「少女‧女性組」佳作獎嘅日本漫畫家橫山真由美手中，便打造出既具色氣又爆笑嘅漫畫《就是，那個嘛。》。漫畫中嘅男女主角阿功同夏美同屬思想單純嘅人，婚後兩人同一般嘅夫妻一樣，總會遇上爭拗嘅時候，不過佢哋都會透過啪啪啪嚟進行溝通，而每次完事之後兩人都係甜蜜如昔。唔好睇呢種方法好鹹濕，喺佢哋身上不但能見證乜嘢叫做愛的力量，同時會引爆出一連串令人發笑嘅日常生活。