真島直美 巨人美少女

正所謂人不可以貌相,表面平平無奇,但原來實力超出大家嘅想像!好似真島直美呢位可愛美少女咁,外表萌味十足,但咪以為佢生得細細粒,事實上佢係高妹嚟o架!

高挑稚嫩

男人生得矮真係好蝕底,一來打波往往被高大男仔食住,二來溝女又輸畀高大型男,但係女仔生得矮就唔同,予人可愛嘅感覺,你話係咪唔公平先!喺日本寫真界有好多身材嬌小嘅蘿莉系美少女,咁高大嘅蘿莉妹又有冇呢?當然有啦!今日同大家介紹嘅真島直美就係最佳人辦。

今年20歲嘅直美最近人氣勁升,事實上佢天生具備上位條件,論美貌,一副可愛到震嘅娃娃臉五官標致分明,難怪被稱為「清楚系美少女」;論身材,直美唔單止擁有鮮嫩美白肌膚,更有一對睇頭十足嘅E Cup美巨乳,更令人吃驚嘅係呢位可愛美少女居然有成5呎7吋咁高,加埋一雙修長美腿,吸引力倍增!

鍾意唱歌

真島直美喺上年開始廣為人認識,當其時佢為多本雜誌拍攝性感誘人嘅水着寫真,將高挑又婀娜嘅身材展露於人前,成功引起大眾注目。之後,佢喺一個名為「Sansupo GoGo女王」選美活動,成功從400多位參加者中脫穎而出,同知名寫真妹大貫彩香以及高城佳奈美一同獲封為選美冠軍,為進軍寫真界帶來一個好開始!

之不過,直美就話自己相當唔鍾意喺戶外拍攝水着寫真,原因係戶外環境有好多蚊蟲,所以每次外出取景都好怕被蚊叮蟲咬。而直美好耐之前已經修讀歌唱及舞蹈課程,所以希望有朝一日可以歌手身份發展。阿妹你唔好咁心急住啦!起碼拍多幾年寫真,等大家睇飽你副靚偈先再諗啦!

社交網站

簡介:真島直美除咗會喺社交網同大家分享其扮靚心得,仲會不時上載自己出席攝影會時拍下嘅花絮,想了解直美更多,不妨多啲Click上去睇。

網址:https://twitter.com/naomi_majima

撰文:賢