最近有女主持喺網上發布個人「6+1事件」，內容吸唔吸引就見仁見智，之但係有網友話對人講「6+1」仲難聽過粗口，連澳門夜場龍會PR小小都表示，港男把口出名尖酸刻薄，講嘢自以為好風趣幽默，其實不知幾幼稚，最慘係要身邊嘅人陪笑囉！小小話：「客人每次聽到我個名叫小小，就會即刻笑吟吟，然後細細聲問我邊度小，我真係覺得呢個問題好無聊，不過已經見慣不怪，咪當係同大家打開話題囉！」其實又唔怪得晒男人嘅，事關阿妹副偈的確唔嘢小，前凸後趷加埋一對修長美腿，認真煞食，係男人都嗒晒糖啦！不過女人始終都係小器，小小話如果有人再攞佢個名嚟玩，就一定會罰對方飲酒喎！