冬天嘅日子總會令人聯想到落雪，更係浪漫嘅象徵。而喺情慾世界中有唔少同「Snow」有關嘅情色俚語，仲有唔少睇到人血脈沸騰嘅成人作品，即使天氣寒冷，都會睇到（興）合合！
有性學專家指，喺伴侶面前自娛亦係一種調情玩意，不過有種名為「Snow Globing」嘅男士自娛玩法，卻未必每個女士都可以接受。玩法係男士先準備一把手提充電風扇，當發射升空時，便會被風扇嘅扇葉打散，結果精華素就好似霰彈槍嘅子彈咁分布喺女伴嘅臉上。使用充電式風扇嘅原因，係為咗避免觸電，夠晒安全。至於女士們認為呢種玩法最討厭嘅地方，係精華素散落喺頭髮上，完事後好難清潔乾淨。
「Snow Blow」係四仔常見嘅演出，咁即係一種乜嘢嘅玩法呢？原來佢係指女士為男伴吹奏一曲，直到發射升空為止，事後仍繼續進行吹奏。例句：Susan enjoys the act of snow blowing.（Susan好享受為對方表演吹奏）。據稱呢種玩法對男士嚟講，有極大嘅快感同視覺刺激，不過對女士嚟講就唔係個個都接受到喇！
講到白雪，好多人都會諗到白雪公主，而喺2014年推出嘅經典作品《Snow White: An Axel Braun Parody》，正係以此作為故事題材。由四仔名導Axel Braun執導，搵嚟人氣脫星Riley Steele飾演白雪公主，夥同Ash Hollywood、Jessica Drake、Isha Cypress等多位脫星演出，劇情加入黑暗同情慾元素，獲得極佳評價，更喺2015年AVN同XBIZ兩大四仔頒獎禮上分別獲得最佳惡搞四仔、最佳導演、最佳性愛演出等多個提名，而Jessica Drake更榮獲最佳脫星獎。不過唔少人認為女主角Riley Steele亦應記一功，唔單止樣貌同身材都有睇頭，火辣嘅床上演出更係令呢套作品生色不少。
由鍾意製作古怪題材嘅AV片廠妄想族，喺2015年4月推出嘅《鄉郊的河邊發現》，由AV女優秋野早苗主演，阿妹擁有34E巨乳，配合鄰家女孩嘅氣質，相當吸引。呢部AV係秋野早苗嘅第二部登場作，片中佢喺雪地上同男優激烈開戰，認真膽識過人！至於佢嘅處女作，係喺2015年1月由AV片廠Peter's Max製作嘅《被問到時無法拒絕，一位天真的年輕女士社會研究與AV Debut》，當時以鄰家女孩形象示人，獲得極佳嘅回響。不過佢嘅星運一直麻麻，結果拍咗幾套純情戲後，就改藝名小野靜香走去著名四仔片廠東京熱演出步兵片，慢慢變得愈嚟愈有癡女味。
撰文：魂