美食要有鹹有甜先至好味，欣賞寫真集都係一樣，演出嘅女優只顧賣弄色情唔會好睇，相反淨係賣萌又唔能夠令大家睇得過癮，好似矢島舞美最近推出嘅寫真集就做到鹹甜融和喇！
清麗美人兒矢島舞美自上年6月所屬嘅組合℃-ute解散後，便以個人發展，阿妹勝在靚女又有演藝才能，加上已經累積一定人氣，喺電視界同樂壇發展亦一帆風順。最近舞美推出第12本個人寫真集《瞬き》，今次去到夏威夷同東京郊區取景拍攝，兩地景色優美固然可以襯托得舞美更加標致，最重要嘅係阿妹換上內衣展露出一副慾求不滿嘅媚態，相當誘人。另外，舞美亦會以素顏上陣，將最自然最清純甜美嘅一面帶畀大家，所以今次呢本寫真集可以話將鹹與甜兩種感覺融為一體，觀眾應該睇得好滿足。
書名：《瞬き》
售價：約HK$223
撰文：賢