躋身最強十一人

各大足球聯賽多以每周一場形式進行，而比賽過後，傳媒以及聯賽組織亦會挑選出該周比賽當中表現最佳球員為「最佳十一人」，而大貫彩香最近亦成為寫真界「最強十一人」！彩香青春俏麗，身材勻稱又不失火辣感，一直都相當受歡迎。早前彩香參加「GO GO Queen」選美活動，結果以壓倒性嘅支持度從100名參加者中躋身最強十一人之列，而賽果刊登咗喺報紙後，彩香開心到即刻拎住張報紙自拍，並將照片上載到社交網放閃，真係戥阿妹高興呀！