最近日本有位網紅放咗一張自拍照，引起網民熱烈討論究竟佢係男定女，而結果令人感到非常意外。另外，大阪有間公司推出真人扮性愛娃娃嘅攝影服務，效果逼唔逼真係其次，最重要係幫襯嘅客人究竟係咩心態呢？
唔少偽娘都靚過真女人，而中性扮相嘅女人又會型過男人，故此早前Twitter上有張「型男」嘅照片，便惹起網民熱議。話說有位叫做「御伽 」嘅網紅喺Twitter上分享自拍照片，帥氣十足嘅扮相令唔少網民都誤以為佢係個型男，點知當佢上載另一張拉開外套嘅相片後，卻發現原來佢有胸！仲要係一對軟綿綿又白滑嘅美乳添呀！型男外形但係有胸，唔通佢係……大家唔好諗歪，查實御伽樒係日本一位人氣18禁網紅，據稱現年19歲嘅佢居於關東，而佢之所以成為網紅，除咗因為每次都唔見樣，予人神秘感外，更在於白皙肌膚同火辣身材，最重要係大尺度嘅福利相，男人點會唔Like吖！
性愛娃娃愈做愈逼真，不過日本有間公司卻反其道而行，推出由真人扮性愛娃娃嘅攝影服務。喺上年12月於大阪開業嘅「人間Love Doll製造所」表示，目的係想為18歲以上人士提供一個被愛嘅體驗，而性愛娃娃不論外形同功能都符合呢個條件，於是便產生開設呢間公司嘅諗法。佢哋除咗提供造型師同化妝師將客人打扮成性愛娃娃外，仲會安排包裝、開箱等過程等讓客人一一體驗，全程亦有攝影師拍照。據稱客人並非全部都係女性，當中有4成係男性嚟！咪以為呢種另類服務只屬小眾玩意，實際上好受歡迎，最近已將服務推廣到東京啦！
就嚟年尾又係總結嘅時候，英國著名安全套品牌最近公布今年最受女性歡迎嘅性愛玩法，就係「Cleopatra」（埃及妖后）。相傳呢個由埃及妖后創出嚟嘅玩意，玩法係女士先屈膝坐喺床上，然後擘開雙腿，上身稍為向後傾斜並用雙手支撐，而男士則細心溫柔地以口舌服侍。據性愛專家稱呢個玩法最大嘅優點，就係女士可以掌握主導權，指令男士點樣服侍同接觸身體邊個部位，從而獲得最大嘅快感。而呢個講法正脗合早前一個全球調查嘅結果，顯示有百分之七十五嘅女士喺啪啪啪過程中得唔到高潮，反而喺前奏口舌刺激中得到快感，難怪呢種玩法會咁受女士歡迎。
撰文：魂