日本AV界三大頒獎禮之一嘅AV OPEN 2018正式啟動，一如以往有好多AV片商為爭奪獎金以及「日本一」稱號，而精心炮製作品。最近大會首先公開咗39部入圍「VR作品獎」嘅作品名單，當中有唔少具水準之作，當然亦有差勁嘅垃圾片，依家一齊嚟睇吓啦！
碟名：《來誘惑童貞的我的人妻》
主演：友田彩也香
評價：故事講述男主角係青頭仔，絕色美人友田彩也香作為一位好色人妻向男方百般色誘，過程中運用熟練嘅調情功夫，由淺入深咁將男主角帶到床上，然後再進行忘我激戰！彩也香魅力萬千，今次仲由佢全程主動色誘，簡直係將妖媚氣韻發揮到極致，而且佢充滿魔性嘅聲線經過特別裝置收音，令觀眾嘅視覺同聽覺都完全沉醉於充滿色慾嘅世界當中，絕對係不可多得嘅佳作！
碟名：《學園可愛女子Come Home中出閨房SEX》
主演：五十嵐星蘭、神谷充希、跡美朱里、桃尻花音
評價：4位活潑可愛又相當好色嘅美少女，為咗爭奪男主角而施展渾身解數，佢哋除咗會換上校園服賣弄清純，仲會換上競泳水着凸顯活力，另外更會變身性感三點式俏女僕，對男主角提供周到服務，最重要嘅係4位美少女喺前戲同床戰都表現得親切又帶笑容，令觀眾全程感受到被愛包圍一樣，男人最幸福莫過於此！
碟名：《居酒屋個室密着不倫交歡》
主演：倉木詩織
評價：今次觀眾會扮演男上司，被女下屬倉木詩織邀請去居酒屋食飯飲酒。二人喺獨立廂房中愈飲愈開心，飲到尾班電車就快開出，老婆又打電話問幾時返屋企，但係詩織好嬌嗲咁話想繼續飲，仲伸出玉腿施展撩陰攻勢，男上司當然知道其意所指，於是兩人喺房內上演秘密激戰！最抵讚係場景裝修、飾演居酒屋員工等統統都逼真無比，令觀眾好似親身去到居酒屋同倉木詩織偷食一樣咁刺激！
碟名：《THE WALL》
主演：春原未來、麻里梨夏、篠田由等共14位女優
評價：如果大家以為有份參戰嘅AV作品一定係猛片的話，咁就真係錯晒喇！好似呢部作品咁，小弟覺得簡直係垃圾片中嘅垃圾，作品有成14位女優演出，睇落好大堆頭，但原來係每位女優分開14段片演出，好可能係片商將佢哋之前拍落嘅片頭片尾收錄而成！最差勁係觀眾觀賞時感覺好似隔住道牆咁，全程只係以第三者角度睇住女優同男優兩條肉蟲激戰，而唔係以第一身角度感受與女優激戰嘅快感，只係畀我做塘邊鶴，咁我用VR裝置嚟睇把鬼咩！
撰文：賢