炮友關係，最重要係兩個人都堅持有性冇愛，不過呢位男網民卻做唔到呢點，原來對方係佢前女友，分手後兩人變成炮友，每次見面都會去爆房。佢話：「之前好享受呢種關係，因為唔需要負責任，最重要係前度嘅口技一流，所以分手兩年都冇搵女友，而佢亦冇同我提過感情生活。點知有日佢突然話以後唔可以再同我做炮友，因為佢要結婚，然後就畀咗張帖我，我當堂呆咗，佢話拍咗拖只係一個月，因為對方有經濟條件同人品好，所以決定同佢喺埋一齊。我個心好傷呀！原來我一直都好鍾意佢。如果追番佢嘅話，唔知有冇機會呢？」
網友回應：
砵仔糕：你話男人係咪賤吖！冇事冇幹就話好享受唔負責任，當有人要你個前度，你又話唔捨得。如果你真係鍾意佢嘅話，當日分手後又唔再追番人。我話畀你聽：「你冇機會呀！」
技子安：你都識講同前度已經分咗手，關係只限於炮友，咁你就應該做番炮友嘅角色。如果佢真係鍾意你嘅話，又點會畀人追咗呢？好明顯佢對你冇感情。
小仙女：其實你嘅前度已經告訴你答案，未來老公有經濟條件，說明你嘅經濟條件唔掂，另一個理由係對方人品好，即係話你性格唔得，咁你話你憑咩追番人？
拿布朗：我覺得你可以追吓喎！佢結婚後肯定唔會再同你爆房，聯絡都會少咗。既然係咁你咪試吓追，追唔到，你都冇損失。
撰文：魂