雖然未到聖誕節，但係8位AV女優提早搞活動同大家慶祝，呢個活動就係「Mine'S娘大集合！Vol.7」喇，今次請來君戶步實、森保沙奈、澀谷果步、熊野愛、新垣智江、春埼芽衣、芹澤悠里以及白井柚香，喺新宿一個活動會場同一班AV迷聚首一堂，而君戶步實同森保沙奈則擔任司儀。活動一開始，女優先向台下觀眾敬酒，而觀眾亦以拉炮回敬，令現場充滿歡樂氣氛。之後，君戶步實就同森保沙奈上演一幕情侶互相調情戲，搞到觀眾個個都熱辣辣。
每逢佳節倍思春，女優雖然美色誘人，但係亦曾經度過一段單身日子，喺對談環節當中講起一個女仔孤單度過聖誕節嘅經歷，個個都講到眼濕濕，好似春埼芽衣話自己有一年聖誕節去到原宿車站一間便利店，好可憐咁睇住周圍嘅情侶卿卿我我，自己就一個人食平價嘅玉子飯，真係諗起都覺得淒涼。
講完啲傷心事，女優們就玩遊戲，兩位女優手執一個愈來愈脹嘅大汽球，期間要講出問題所需要嘅答案，例如帶猥褻意味嘅說話，睇吓邊個唔好彩講唔切而要近距離接受爆波滋味！最後，女優們齊齊整鮮忌廉蛋糕，然後再同觀眾一齊分享，好Sweet呀！
撰文：賢