能夠同靚女拍拖梗係開心到震啦！咁就事不宜遲，即刻透過葉加瀨舞衣最新寫真集感受與大美人拍拖嘅甜蜜啦！2012年葉加瀨舞衣奪得選美活動「Miss FLASH」冠軍寶座之後，喺電視界、寫真界發展順利，近年忙於擔任電視節目主持，好彩舞衣亦冇放棄寫真事業，最近更推出寫真集《愛玩》。今次主打甜蜜而又帶苦澀嘅戀愛感覺，舞衣飾演有自我意識嘅人偶公仔，與男主角談一場突破禁忌嘅戀愛，而男主角會細心為舞衣挑選衣物，更會親手幫佢着衫，漸漸令舞衣感受到人類感情，更做出各種挑逗動作，至於呢段感情到最後會變成點呢？留待大家自己探索喇！